പെഗിയ (സൈപ്രസ്): ഫിഡെ 2026 കാന്ഡിഡേറ്റ്സ് ചെസ് വനിതാ വിഭാഗത്തില് ഇന്ത്യയുടെ ദിവ്യ ദേശ്മുഖിന്റെ മിന്നും പ്രകടനം. എട്ടാം റൗണ്ടില് യുക്രെയ്നിന്റെ അന്ന മുസ്ചുക്കിനെ ദിവ്യ കീഴടക്കി.
പോയിന്റ് ടേബിളില് ഒന്നാം സ്ഥാനത്തുള്ള അന്ന ഈ ടൂര്ണമെന്റില് വഴങ്ങുന്ന ആദ്യ തോല്വിയാണിത്.
മറ്റൊരു ഇന്ത്യന് താരമായ ആര്. വൈശാലി എട്ടാം റൗണ്ടില് സമനിലയില് പിരിഞ്ഞു. എട്ട് റൗണ്ട് പൂര്ത്തിയായപ്പോള് 4.5 പോയിന്റുമായി അന്ന ഒന്നാം സ്ഥാനത്ത് തുടരുന്നു.
ദിവ്യ ദേശ്മുഖ്, ചൈനയുടെ സു ജിനെര്, ആര്. വൈശാലി, റഷ്യയുടെ കാറ്റെറിന ലാഗ്നോ എന്നിവര്ക്കും 4.5 പോയിന്റ് വീതമാണ്. 14 റൗണ്ടുള്ള പോരാട്ടം കടുക്കുകയാണെന്നു ചുരുക്കം.
ഓപ്പണ് വിഭാഗത്തില് ഒന്നാം സ്ഥാനത്തുള്ള ഉസ്ബക്കിസ്ഥാന്റെ ജോവാഖിര് സിന്ഡറോവ് എട്ടാം റൗണ്ടില് റഷ്യയുടെ ആന്ഡി എസിപെങ്കോയുമായി സമനില പാലിച്ചു. എട്ടു താരങ്ങള് മത്സരിക്കുന്ന ടൂര്ണമെന്റിലെ അവസാന സ്ഥാനക്കാരനാണ് ആന്ഡി.
എട്ട് റൗണ്ട് പൂര്ത്തിയായപ്പോള് 6.5 പോയിന്റുമായി ജോവാഖിര് ഒന്നാം സ്ഥാനത്ത് തുടരുന്നു. ഇന്ത്യയുടെ ആര്. പ്രഗ്നാനന്ദ 3.5 പോയിന്റുമായി അഞ്ചാം സ്ഥാനത്താണ്.
Deepika
E-paper LOGIN
LOGIN
